छोटंय का मोठंय म्हणतो
त्याच स्वप्न खोटंय
स्वप्नाला नसते परिमिति
क्षेत्रफळाची नसते भूमिती
ते उडतं आपल्याच नादात
ना तुझं-माझं च्या वादात
ते कुढंत नाही
ते लुडबुडंत नाही
ते विहरत राहतं
कधीच खाली पडत नाही
कधी ते गाव बदलतंं
कधी ते नाव बदलतं
तरीही त्याला नसतो पत्ता
ते फक्त पेहराव बदलतं
नसतो आकार
तरीही दिसतं
नसतं हातात
तरीही हसतं
त्याचा दरवळ खोलवर पसरतो
वारा लागत नाही
त्याच्या नादात तो सारं विसरतो
खेरीज संस्मरणीय काहीच घडंत नाही
... भावना
