जरी मी अल्ल्याड्ची
अन तू पल्याडची
लेक
माहेरच्या ग तुझ्या
माझ्या आठवणी एक
खारीक, शेंगा, साखर,
लाडू
बाहुलीच्या लग्नात
एकत्र वाढू
शोभे माझ्या बाहुलीला
तुझा बाहुला सुरेख
माहेरच्या ग तुझ्या
माझ्या आठवणी एक
गाभूळ चिंचा वाटून
घेऊ
रंग चित्रे जपून ठेऊ
शाळेतल्या त्या वहीत
माझ्या, तुझ्या-मैत्रीचा लेख
माहेरच्या ग तुझ्या
माझ्या आठवणी एक
गप्पांच्या
रात्री , चांदण्यांची छत्री
घट्ट करती आपली
हि मैत्री
सुरात मिसळले हे सूर,
कधी भांडणं अनेक
माहेरच्या ग तुझ्या
माझ्या आठवणी एक
सरले माहेर, उरले सासर
हाक मारती गाईला वासरं
माझ्या जुन्या गोष्टीत
फक्त तुझाच उल्लेख
माहेरच्या ग तुझ्या
माझ्या आठवणी एक
… भावना
