भविष्याची सतावे चिंता,
कधी पंख पसरले स्वप्न घाले रुंजी
विश्वासाने, आशावंत तो,
जमवत होता एक पुंजी
झेलला पाउस, झेलला वारा
दिला चढ-उतारालाही थारा
उसवलेल्या, फाटलेल्या वर्तमानाला
सांधत होता तो बिचारा
विश्वासाने, आशावंत तो,
बांधत होता एक किनारा
राहिलास का तू त्रयस्थ, कोरडा?
का दिलास तुझ्यावरच्याच विश्वासाला तडा?
फुल नको होते का तुला?
का, हवा होता अश्रुंचा सडा!
तरी करुणा तुझीच मागतो आहे
विश्वासाने, तो आशावंत वेडा!
विश्वासाने, तो आशावंत वेडा!!
...भावना
