एक हत्ती आनंदाने
साखळीतही जगत होता
कोनाड्यातच
झुलण्याला तो वनविहार मानत होता...एक हत्ती...
मालक त्याचा
प्रेमळ फार
घेई निगा, ना कामचुकार
दोस्त त्याचा
मस्त होता...एक हत्ती...
प्रचंड गर्दी, अनेक प्रेक्षक
मुलं धावती, मागे शिक्षक
ऐटी मध्ये पाहत
होता...एक हत्ती...
विचारवंत एकदा
आला
पाहून त्याला
निराश झाला
थाटात जरी राहत
होता...एक हत्ती...
काय म्हणाला तुझे
हे जगणे
निरर्थ आहे हत्ती
असणे
अर्थ व्यर्थ मग
शोधत होता...एक हत्ती...
प्रेमाचा मग झाला
जाच
विटाळला गर्दीला
हाच
जणू गुलामी सोसत
होता...एक हत्ती...
जगण्याचे मग घेऊन
कोडे
समाधान कुठे
मिळेल थोडे?
उत्तर अजुनी शोधत
आहे...एक हत्ती...
...भावना
