ती #होळी...

गेली कुठे ती रंगपंचमी आणि कुठे ती #होळी

हल्ली फक्त उजाडतात Black & White सकाळी

 

चेहऱ्याला सुट होत नाहीत आता धुळवडीचे रंग

status  ला शोभेल का ती home - made भांग

पूर्वी सारखी आनंदानी भिजत नाहीत मित्र मंडळी

हल्ली फक्त उजाडतात Black & White सकाळी

 

#होळी मध्ये बोंब, तर होतं शेजाऱ्यांशी वाकडं

झाडच नाहीत तर कुठून येणार सुकलेली लाकडं

फुग्यातुन फक्त फुटते दुष्काळाची किंकाळी

हल्ली फक्त उजाडतात Black & White सकाळी

 

परत एकदा ऐकुया ना ते वसंताचं गाणं

कित्ती छान होतं ते मनमोकळ रहाणं

जुन्या रंगांनी पुन्हा भरू पिचकारीची नळी

सगळ्यांसाठीच मग असेल पौर्णिमा ती #होळी

...भावना