आठवणी जगण्याची 'सोय'

रणांगणात उतरलेल्या आवेशातल उन
साधं बाहेर डोकावूही देत नाही.

AC ची facility आहे...पण त्यामुळे
वाऱ्याला मोकळं बोलताही येत नाही.

24 hours water supply .... म्हणून इथे ...
भांड्णाचाही आवाज नाही.

FM ला हल्ली गुणगुणणाऱ्या मनाशी
tunning साधणं जमत नाही.

लिफ्ट मधून उतरून कारमध्ये चढण्याखेरीज
दोन पायांकडे काम नाही.

100 and 120 च्या स्पीडला
दृष्टी कुठे रेन्गाळूही शकत नाही.

Dish TV वर पाऊस कोसळतोय...पण
इथली माती काही भिजत नाही.

branded बाटलीतल्या famous अत्तारालाही
पहिल्या सरींनी शिंपडलेल्या सुगंधाची सर नाही.

हे इतके 'नाही' तरीही एक 'होय' आहे..
अजूनही त्या आठवणी जगण्याची माझ्याकडे 'सोय' आहे.

…भावना