मलाच का नाही?....

पाठीवर दप्तर, कानाशी आई

कंटिन्यूअस असेसमेंट ची धमकी देतात बाई

math  च्याच टेस्ट आधी स्पोर्ट्स डे ठेवतात

मलाच का नाही?... बाबांनाही  कॅजुअल लिव असतात.
 

प्रोजेक्टस चा अंगावर भडीमार स्टार्ट

मॉडेल च्या बाजूला हवे दोन चार्ट

दिवाळीचे दिवस मजा करण्यासाठी नसतात?

मलाच का नाही?.... बाबांनाही  कॅजुअल लिव असतात.
 

CBSE ... ICSE ची लढाई होते

आई उगाच माझ्या SSE वर चिडते

सहावीतच तिला दहावीचे प्रश्न दिसतात

मलाच का नाही?.... बाबांनाही  कॅजुअल लिव असतात
 

अभ्यासा बरोबर activity ची सक्ती

तिथे हि चालत नाही एकही युक्ती

आई ला धोनी- सचिन माझ्यात दिसतात 

मलाच का नाही?.... बाबांनाही  कॅजुअल लिव असतात
 

कधी वाटतं पुरे झाली सारखी स्पर्धा

दिवस भरच्या धावा-धावीत होतो जीव अर्धा

सांगा ना हो, आई- बाबा लहानपण का विसरतात?

मलाच का नाही?.... बाबांनाही  कॅजुअल लिव असतात

...भावना