जबरदस्ती किव्वा कोणतंही tactic नसतं
सासूबाई मला तुम्हालाही
आई म्हणायला आवडतं
पोळीच्या आकाराचं नका टेन्शन
घेऊ
पिठलं झालंय कच्चं तरी
मिळून जेऊ
छोट्या छोट्या तक्रारींनी आपल्यातलं
अंतर वाढतं
सासूबाई मला तुम्हालाही
आई म्हणायला आवडतं
नसेल आपल्या दोघींमध्ये
मैत्री घट्ट
आई तरी कुठे माझा पुरवते
प्रत्येक हट्ट
joint family असूनही मला एकट वाटतं
सासूबाई मला तुम्हालाही
आई म्हणायला आवडतं
मी लहान आहे, तुम्ही
व्हा मोठ्या
गुन्हा नाही केला,
चुका आहेत या छोट्या
संधी दिली नाहीत तर
तिसऱ्याचंच फावतं
सासूबाई मला तुम्हालाही
आई म्हणायला आवडतं
दोनाचे होतील तीन त्याचे
तुम्हाला आहेत वेध
मुलगी आणि मुलगा यात
नाही करणार भेद
भीती मला ‘पुढे सुनेची-आई
होणं’ कसं झेपतं
सासूबाई मला तुम्हालाही
आई म्हणायला आवडतं
...भावना
